本帖最後由 pk1pk1kp1 於 22-1-2012 10:02 編輯
前言:
開始之前,g1我表你,係要搞到通街都係007劍呢D變態拳先黎開放突自圖,家下通街7劍突自玩毛毛
發完脾氣,講番正題,突自係我第2部合既ss機 第1部係神馬 原先對突自冇興趣,主要原因有2個。
1.突自樣子問題,我個人唔太喜歡突自既造型 我覺得對翼唔夠自由順眼
2.性能問題,性能雖然唔弱,但都唔算好強...唔係幾岩我呢D重視性能既人
不過見到個個都渣住部突自係街埸到玩,搞到我都好想要番部...到最後我決定合突擊自由(通識科教過,呢D叫從眾行為)雖然玩起黎火力比起我想像中仲要低
以下完全為個人意見同感想,不喜勿插
------------------------------------------------------
六圍:
上面係r前,下面係r後
數字上每個方面都好高啊!!!算係正常ss機應有既水平...攻擊力r前有18.3 r後都有16.5 就咁睇真係好難想像突自火力可以低成點。
------------------------------------------------------
r前武裝:
複相光束炮(猛火) 距離4200 係數1650
(點解D名咁怪既 )
3發,回彈快
突自特色武器,亦係主要輸出之一。從靈活性,手感既角度黎睇,呢樣係眾機體夢寐以求既武器;從威力既角度黎睇,呢樣係垃圾中既垃圾
(路人乙:1650都係低攻,你腦袋出左咩問題?)
1650呢個數字睇落好似唔低,但你地可以同其他手電筒炮作個對比:
曉3武 係數1145*2=2290
多III 2武 係數2050
零式ew r後1武 係數1250*2=2500
馬甲D 2武 係數1025*2=2050
知道咩事啦?係無限制埸跟眾S機既電筒炮比,突自威力實在太雞肋,不過突自呢支電筒優勝既地方係射果陣自身冇硬直,靈活性高,戰術變化都較大,而且回彈都幾快,只要持續地命中敵人,都會有一定輸出。一般都係用於中後埸火力支援
高能光束步槍 距離4230 係數2050
突自r前惟一係數稍為正常既武器,係數2050係倒地炮之中算係正常水平。射速手惑都幾順,但係射出去果陣條光就幼左DD,對付空中飛緊既敵人有少少吃力;亦因為條光夠晒幼,射果D係建築物之間既敵人較少機會因為太粗而出現撞到建築物而射唔中敵人既情況
一般用於幫隊友解圍或係後埸射幾下擾亂下敵人(但要小心好心做壞事,唔好隊友斬緊人果陣射)
超級龍騎兵 機動兵裝翼 距離5000 係數190*?
冇數到打幾多下啦不過都係偏少啦。智慧一般,輸出低,不過都建議間唔中放下,擾敵效果都唔錯...未來浮游炮改版之後可以無視建築物放出去,到時都算幾好用既武器啦
------------------------------------------------------
r後武裝:
光束軍刀2刀流 係數:1100
(唔知叫咩名啦...反正都係雙手持刀,叫2刀流算啦)
出刀快,手感順,可5刀,威力一般。一般情況下都好少用,比人追多數都係拉射。不過有拳機底既朋友比拳機追果陣都不妨同佢搏刀,斬速的係幾快,搏刀未必會輸,隨時仲可以反擊。不過我建議不必要時唔好懶醒咁斬4刀轉3武走佬,夠唔夠boost係一個好大既問題,你斬得中佢果陣好多時都唔夠boost走人,之後都係比人斬番,所以係斬既都係斬晒5刀佢啦
P.S.使用時小心大技
光束步槍x2 距離2800 係數650*2=1300
射速算快,手感都算順,彈藥多,有幾多發就冇數啦,反正都用唔晒。係數1300,標準步槍係數,但對比其他S機仍然係低下水平。我自己對上7劍既時候,試過用晒成排彈先扣到佢一半血,可見威力真係有點...
磁軌炮 距離3500 係數960*2=1920
射速稍慢,只有3發,但回彈快,但係數頗高,3+2連射輸出都可觀
好多人都鐘意用r後既突自同自由做比較...不過正係睇r後真係比唔上自由。
刀就唔比較啦,反正都係少用
最大差別在於2武,比較一下2武先。自由係數1400,突自係數1300,威力已經輸左。比較靈活性,自由係單發,突自係雙槍,靈活性比唔上自由,閃槍等效率都遠比自由差。順帶一提,自由係右手渣槍,掩體戰時只需暴露出右半身都可以射到出去命中敵人,但突自雙手渣槍,機身暴露更多先可以2槍都命中敵人,係高水準既掩體戰入面突自優勢比自由少,嚴重D講更可以用劣勢黎形容
至於3武呢,手感差別好似不大,突自3武係數同六圍都比自由低,所以威力都比唔上自由
總括黎講,自由遊擊戰方面既效果係比突自好,不過突自仲有r前形態,除左遊擊之外,同時兼顧到中後埸火力支援既工作。所以要比較的話突自係適合識得靈活切換形態同埋喜歡較全面武裝既人用;自由就適合追求極限遊擊快感同靈活走位既人用(大前提係玩呢2部機最首要既係精準既射擊命中率)
------------------------------------------------------
武器綜合評價:
武裝非常全面。近,中,遠距離兼備,能夠靈活對應唔同既情況。不過整體火力輸出仍然係低。根據我個人經驗,好多時候捻住可以射死人,但都會好意外地殺唔死佢。換言之,突自需要用時間去換上較可觀既輸出。
------------------------------------------------------
技能:
1技
裝填速度上升
回彈速度加快。彈藥多左,對於用時間換取輸出呢種打法既突自有好大輔助功效。
2技
反中子干擾器EX HP 50%以下時推進燃料無限,鎖敵距離增加,雷達顯示敵軍
(唔知點解港服會冇左ex呢2隻字)超實用既技能。無限氣改善左剪機共通唔夠boost既問題。而且仲有得睇雷達,能夠了解對方位置採取各程戰術,而且對付隱形機都起左好大既作用。缺點就係50%血先開到技
------------------------------------------------------
優/缺點分析:
最明顯既優點就係其武裝全面,能夠對應各種情況,可以作出既戰術變化都較多,兼顧到近中遠距離既輸出,唔會好似自由只局限於中前埸先做到輸出。技能方面亦相當優秀,回彈加快,反中子ex有雷達用,令突自打法更多樣化
缺點:
最大缺點,威力過低,要用長時間攻擊先有可觀既輸出,係節奏快既對戰,突自打上黎會顯得非常吃力。另1個缺點,限於未開2技前,就係boost問題,剪機共通問題,boost少,現時港服拳機當道,好多機都有能力係你開2技之前將你送去見龜霸。
------------------------------------------------------
定位/建議打法:
突自定位打法都算多元化,屬全距離萭能既機體。但把握轉換形態既時機卻往往係一樣令突自玩家非常頭痛既問題。首先介紹一下r前同r後各自既定位
r前:
中後埸支援形
顧名思義,係偏向中後埸作火力輸出,攻擊超視距離既敵人同埋補槍,有時就用倒地炮幫隊友解圍,間唔中就放下浮遊炮咁樣,呢種打法比較簡單
r後:
中前埸遊擊形
呢個形態就係付責中前埸既遊擊同擾敵,走位方面一定要靈活,先可以發揮作用,一般都係3+2武連射。
幾時先r?
1.一開始時可以唔洗r住,先配合隊友,留住係後面支援,慢慢將戰線壓前。壓到一定程度就轉r後打遊擊擾敵,但開2技前要小心boost量唔夠...無啦啦有隻拳過黎打你既話...龜霸歡迎你。但切記遊擊時間盡量唔好太耐,當對手重整好陣營既時候,你仲留係中前埸,好易成為集火對像,係適當時候轉回r前番去後埸做支援啦。
2.或者可以一開始轉r後上去遊擊,但係呢個打法有少少冒險,同埋呢種打法一定要配合同隊既隊加一齊衝先有用,唔係既話你一定係最快死果個...
3.比拳機埋身既時侯,可以轉e後拉射,或者用刀斬佢。
4.另外見到隊友斬緊人果陣,都不妨用r後補槍,r後3+2武威力相信點都會比r前果3發1650係數1武強...
玩突自最首要練好既基礎就係你既射擊技術,如果連射人都射唔中的話,請你練好D槍先玩突自,你都唔想比人表家嘛,係咪?
因為輸出低既問題,好多初初玩突自既時候都會覺得好頭痛好難玩,不過只要你一直用落去,而中間唔轉用其他火力強既機,你就會慢慢習慣突自既火力嫁啦
------------------------------------------------------
天敵來了,快走:
頭號天敵--007劍
佢本身防高,突自本身攻擊力低,你打佢就好似打緊一隻70%血就開左鐵壁既機差唔多...重點佢打你就痛到咩咁,鬥近攻,突自勝率近乎0,加上高攻硬直槍+飛標...唉!!!惟有用大技打佢...但係見到7劍最好避到就避啦...
老實講其實我覺得00R對突自既威脅實在遠比7劍低,量子化只要開反中子屈boost屈距離基本上問題不大(如果對手唔強的話)或者可以用大技...
不過最好都係避開下好D...
(阿斯蘭:你打爆我部救世,我e家要打爆番你隻突自)
近攻冇得打,遠攻都唔夠做,對住無正惟一有效果既正係得倒地炮...
抗光機好乞人憎的說...只好用r後3武啦...
sp大佢就ok了
(路人甲:你傻的嗎?包機都怕?)果幾發電筒威力唔可以睇少,一唔小心食晒,就係咁先...搵掩體打掩體戰啦
------------------------------------------------------
配點:
全攻係最常見既點法,能夠彌補輸出不足既問題
有D人會覺得oc6之後輸出仍然不足,所以會捨棄攻擊力,偏重於其他方面,例如全防。
配點呢樣野其實都係睇用家本身...唔同人都會有唔同點法,我呢D都只係個人建議而已
------------------------------------------------------
視頻:
睇神手玩吧...
------------------------------------------------------
大技插圖:
|
[複製鏈接]
發表於 21-1-2012 18:44:43
收藏
轉播
分享
淘帖
支持
反對
變色卡
發表於 21-1-2012 19:07:22